Ճարպակալման կանխարգելման հայկական ասոցիացիա

Կազմակերպությունն իր գիտական և կրթական գործունեությունն իրականացնում է կազմակերպության անդամների հետ համատեղ, ովքեր կազմում են  ՃԿՀԱ մուլտիդիսցիպլինար գիտական խորհուրդը ։

Կազմակերպության նպատակները.

1. Առողջ ապրելակերպ. Առողջ ապրելակերպի և առողջության պահպանման ներդրում։

2. Առողջության խթանում. Ֆիզիկական, վերարտադրողական և հոգեկան առողջության խթանում, պահպանում և բարելավում։

3. Կանխարգելում. Ավել քաշի և ճարպակալման խնդիրների կանխարգելում։

4. Կրթական միջոցառումներ. Երեխաների և մեծահասակների հոգեկան ու ֆիզիկական առողջությանը, սննդային վարքագծի ձևավորմանը, ճարպակալման կանխարգելմանն ուղղված կրթական միջոցառումների կազմակերպում։

5. Տեղեկատվության տարածում. Ճարպակալման կանխարգելման միջոցառումների և տեղեկատվության տարածում, խոցելի և թիրախային խմբերի իրազեկվածության բարձրացմանն ուղղված միջոցառումների ու ծրագրերի իրականացում։

6. Մասնագիտական վերապատրաստում. Ավագ և միջին բուժանձնակազմի համար վերապատրաստման սեմինարների, կոնֆերանսների, սիմպոզիումների կազմակերպում՝ ճարպակալման բուժման և կանխարգելման համաշխարհային նորություններին տեղեկացնելու նպատակով։

7. Տեղեկատվական կոնֆերանսներ. Ճարպակալման բուժման տարբեր մոտեցումների վերաբերյալ տեղեկատվական կոնֆերանսների կազմակերպում։